Тыдзень беларускай мовы і літаратуры. Падвядзенне вынікаў.

    Дзень першы – “Смак роднай мовы” - запрасіў вучняў прыняць удзел у акцыі “Рускай мове дай разгрузку ‒ размаўляй па-беларуску” і ў конкурсе “Назаві па-беларуску”. За верны адказ хлопчыкі і дзяўчынкі атрымалі цукеркі. А знаўцы беларускай мовы з 6-х класаў прынялі ўдзел у мерапрыемстве “Моўны турнір”.

    Дзень другі. З вялікім задавальненнем і ахвотай вучні прынялі ўдзел у акцыі “Адкажы на пытанне – атрымай адзнаку”. Вучні сёмага і восьмага класаў  прадэманстравалі свае веды па роднай мове ў інтэлектуальным турніры “Моваведы”, а ўсе, хто жадае, маглі паспрабаваць свае сілы ў конкурсе паліглотаў.

    Трэці дзень тыдня запрасіў вучняў прыняць удзел у акцыі “Далучы далонь”. Хлопчыкі і дзяўчынкі на рознакаляровых далоньках пісалі пажаданні роднай Беларусі. Выказвалі любоў да Бацькаўшчыны і ўдзельнікі конкурсу малюнкаў “Пад сінім небам Бацькаўшчыны”.

    А для вучняў 7 класаў была праведзена гульня-віктарына “Мая Беларусь”.

    Чацвёрты дзень – “Дзень фальклору і этнаграфіі”. Для цікаўных і кемлівых былі прапанаваны заданне “Пазнай прадмет” і конкурс “Загадкі”.

    Вучні 5 і 6-х класаў спаборнічалі ў гульні “Скарбы роднага краю”.

    Апошні дзень тыдня “Паэзіі радок чароўны” прынёс асалоду аматарам паэзіі. Быў праведзены конкурс чытальнікаў “Пад зоркай Яўгеніі Янішчыц”, прысвечаны беларускай паэтэсе.